УИХ-ын дэд дарга С.Одонтуяа угаартан нас барсан, хордсон иргэдийн асуудал болон улсынхаа нэр хүндийг гутаасан Сэлэнгэ аймгийн Мандал сумын орлогч дарга Л.Мөнхбатын хэргийн талаар мэдээлэл өглөө.

     Тэрбээр “Өнөөдөр нийгэмд угаартсанаас болоод олон хүн хордож, нас барчихаад байхад иргэд албан ёсны байгууллагаас нь мэдээлэл авах боломжгүй байна. Надад л гэхэд мэдээлэл олдохгүй байна. Тэгэхээр энэ улсад үнэн зөв мэдээлэл өгөх газар байна уу, мэдээллийн ил тод байдал алдагдсан байна. Иймээс иргэдэд албан ёсны зөв мэдээллийг өгөхийг шаардаж байна. Дараагийн нэг асуудал Сэлэнгэ аймгийн Мандал сумын орлогч дарга Л.Мөнхбат гэж этгээд олон улсад улсынхаа нэр хүндийг үнэхээр  гутаалаа. Уг нь Монголын соёлыг суртачлах нэрээр Чежүд айлчилсан. Гэтэл бүр эсэргээрээ Монгол Улсын нэр хүндийг хачин муухайгаар гутаалаа. Энэ асуудалд Ардчилсан эмэгтэйчүүдийн холбоо болон хувиасаа хатуу хандаж, тэмцэнэ” гэв.