Засгийн газар Цалин, тэтгэвэр нэмэх, төсөвт тодотгол хийх талаар мэдээлэл өглөө.

       Энэ үеэр УИХ-ын гишүүн Х.Булгантуяа “Тэтгэвэр нэмэх, зөрүү арилгах асуудал дээр иргэд буруу ойлголттой байх шиг байна. Тиймээс үүнтэй холбоотой тодруулга өгье. Засгийн газар 2014 оноос хойш итгэлцүүрийг шинэчлэн батлаагүй байсан. 1990-д оноос хойш зургаан удаа итгэлцүүрийг шинэчлэн баталсан. Итгэлцүүр гэдэг тэтгэвэр тооцсон үеийн цалин хөлсийг одоогийн цалин хөлстэй дүйцүүлэхийг хэлнэ. Өөрөөр хэлбэл 1990-д онд 500 мянган төгрөгийн дундаж цалинтай байсныг 2014 оны хэмжээнд болгохын тулд 715 –аар үржүүлэхэд тухайн үеийн дундаж цалин болж байсан. Харин одоогийн цалингийн дунджаар бодож үзвэл эдгээр хүмүүсийн цалин нэг сая гаруй төгрөг болж, итгэлцүүрээр тэтгэврийн хэмжээ  гарч ирнэ. Засгийн газраас жил бүр итгэлцүүрийг шинэчлэн батална. Ингэснээр тэтгэвэр инфляцад идэгдэхгүй юм.  Мөн жил бүр инфляцтай уялдуулан тэтгэвэр нэмээгүйн улмаас зөрүү үүссэн.  2022 оны тэтгэврийн нэмэгдэл дээр нийт тэтгэвэр авагчдын 50 орчим хувь нь тэтгэврийн хамгийн доод хэмжээ 350 мянган төгрөгийн тэтгэвэр авдаг байсан бол тэгшитгэж 500 мянган төгрөг болгосон. Бид тэтгэврийн зөрүүг итгэлцүүрээр бодож, олгоход 200 орчим тэрбум төгрөг шаардлагатай. Манай улсын 165 мянган иргэний тэтгэвэр нэмэгдэнэ.  Мөн 161 мянга орчим хүний цалин, тэтгэврийн мэдээлэл архивд байхгүй, олдохгүй байна. Харин сайн дураар бага хэмжээгээр төлж байсан бол  тэтгэврийн мөнгө бага байна. 2012 онд Ажилласан  жил, тэтгэврийн даатгалыг нөхөх төлөх тухай хууль батлагдаж байсан. Нөхөн төлөх ийм хууль гаргах нь Нийгмийн даатгалын санд сөрөг нөлөөл үзүүлж байна” гэлээ.