Уул уурхайн хүнд үйлдвэрийн дэд сайд О.Батнайрамдал Боловсролын зээлийн сантай холбоотой асуудлаар өнгөрсөн долоо хоногт мэдээлэл хийсэн. Харин Боловсрол шинжлэх ухааны сайд асан Л.Гантөмөрийн 278 тоот тушаалаар магистр, докторын тэтгэлэгт хамрагдсан иргэдийн дунд  түүний нэр байсан. Өөрөөр хэлбэл, түүнийг боловсролын зээлийн сангаас зээл авсан байж болзошгүй гэх мэдээлэл олон нийтэд түгээд буй.

     Энэ талаар тэрбээр тайлбар хийлээ. УУХҮ-ийн дэд сайд О.Батнайрамдал “Боловсролын зээлийн сангийн асуудлыг олон нийтэд гаргаж тавьснаас хойш найман өдөр болж байна. Энэ мэдээллийг ил болгосноор бага ч гэсэн үр дүнг өгч байна. 1.1 тэрбум төгрөг эргэн төлөгдсөн гэж байгаа. Энэ бол сайн хэрэг. Миний хувьд 2013 оны зургадугаар сайрд Боловсролын зээлийн санд хамрагдахаар материалаа өгч, ярилцлагад орж байсан. Тухайн үед би нийт хүүхдээс 60, 70 орчим дугаарт жагсаж байсан. Тухайн үед надад тэтгэлэг олголоо гэж хэн ч ярьж байгаагүй. Тиймээс би Боловсролын зээлийн сангаас нэг ч зээл аваагүй. Харин 2013 оны наймдугаар сарын 8-ны тушаалд миний нэрийг оруулчихаад яагаад зээл өгөөгүй, холбогдоогүй вэ. Миний нэр дээр зээл гаргачихаад оронд нь өөр хүн явсан уу, эсвэл надад өгөлгүй энэ мөнгийг завшсан уу гэдэг хардлага байна” гэлээ.