МУИС-ийн дэд профессор, хуульч, доктор Ч.Өнөрбаяр  "Монгол Улсын Үндсэн хуульд оруулсан нэмэлт өөрчлөлтийн тухай хууль тавдугаар сарын 25-наас эхлэн мөрдөгдөнө. Энэ нэмэлт өөрчлөлтөөр олон заалт хэрэгжиж эхэлсэн. Үүний нэг нь Засгийн газрын бүтэц бүрэлдэхүүнд өөрчлөлт оруулах тухай юм . Ерөнхий сайд Засгийн газрын кабинетийн гишүүдээ УИХ-д танилцуулж, тангараг өргөнө. Монгол Улсын түүхэнд анх удаа Засгийн газрын гишүүн тангараг өргөх гэж байгаа учраас тангаргийн төсөлд иргэд, олон нийтээс санал авах ёстой гэж би харж байна. Ерөнхий сайд Засгийн газрын шинэ бүтэц бүрэлдэхүүнтэй холбоотой асуудлыг тавдугаар сарын 25-наас өмнө УИХ-д оруулах ёстой.  Одоогийн Засгийн газрын гишүүд бүгд давхар дээлтэй буюу УИХ, Засгийн газрын гишүүний үүргийг хавсран гүйцэтгэж байна  Тэгвэл  5-р сарын 25-наас Ерөнхий сайдаас гадна дөрвөн гишүүн л давхар дээлтэй байж болно. Тэгэхээр хэнийгээ давхар дээлтэй үлдээх вэ гэдгээ шийдэх нь МАН-ын дотоод асуудал. Үндсэн хуулийн зарчим хэрэгжих ёстой.  Хэрэв зөрчвөл Засгийн газраас гаргаж байгаа шийдвэр, хэрэгжүүлж байгаа арга хэмжээ Үндсэн хуулийн бус болж, хууль зөрчигдөнө. Үндсэн хуульд нийцүүлэхээс өөр арга байхгүй.  Хуулийг дээдлэх нь төр засгийн үүрэг. Үндсэн хуулийнхаа дээгүүр давж гардаг төр засаг ямар ч том албан тушаалтан байх ёсгүй. Харин бэлтгэл хангасан уу гэдэг нь эргэлзээтэй байна.