Сонгуулийн ерөнхий хорооноос УИХ-ын 28 дугаар тойргийн нөхөн сонгуулийн санал хураалтын талаар мэдээлэл өглөө. 16:00 цагийн байдлаар Хэнтий аймгийн 10641 иргэн буюу 20.1 хувь нь, Сонгинохайрхан дүүргийн 26508 сонгогч буюу 26.2 хувь нь санал өгсөн байна. Тухайлбал, Сонгинохайрхан дүүргийн 18-44 насныхны 15 хувь, 45-70 насныхан 36.3 хувь нь санал өгсөн байна.

    Сонгууль 07:00-22:00 цагийн хооронд буюу 15 цаг үргэлжилнэ. Одоогоор Сонгуулийн ерөнхий хороонд санал хураалттай холбоотой гомдол, мэдээлэл ирээгүй. Харин санал авах байрууд дотоод асуудлаа шийдэж, цагдаагийн алба хаагчид ажиллаж байна. Энэ удаагийн нөхөн сонгуульд 2.2 тэрбум төгрөг зарцуулсан. Санал хураалт 50 хувьд хүрэхгүй бол дахин санал хураалт болно. Тиймээс залуучууд сонгуульд идэвхтэй оролцох хэрэгтэй” хэмээн Сонгуулийн ерөнхий хорооноос уриаллаа.