Засгийн газраас гаргасан шийдвэрийн талаар мэдээлж байна. Энэ үеэр Хүнс хөдөө аж ахуй, хөнгөн үйлдвэрийн З.Мэндсайхан өвөлжилтийн бэлтгэл байдал хийгээд мах бэлтгэлийн талаар мэдээлэл хийлээ. Тэрбээр "2021-2022 оны өвөлжилтийн бэлтгэл ажлын хангах хүрээнд Засгийн газрын тогтоол гарсан. Энэ тогтоолын хэрэгжилтийн хүрээнд зудын эрсдлийг тодорхойлох ажлын хэсэг байгуулсан.

Энэ жил бид улсын хэмжээнд 1.3 сая тонн өвс, 1.6 мянган тонн сүрэл 13 мянган тонн ногоон тэжээл, 90 мянган тонн гар тэжээл, 132 мянган тонн хучир, шүү бэлтгэхээр төлөвлөсөн. Энэ ажил 13 хувийн гүйцэтгэлтэй байгаа. Өвөлжилтийн төлөв амаргүй, зудын эрсдэлтэй байж болзошгүй. Энэ зун хур бороо ихтэй байсан учир хөрсөн дээр цочир хүйтэрч, цас унах эрсдэлтэй.  Тиймээс малчид малаа эдийн засгийн эргэлтэд оруулах, индэксжүүлсэн даатгалд хамруулахыг уриалж байна. 

Мөн энэ жил төв суурин газрын иргэдийн хүнсний хэрэгцээнд зориулж 20 орчим мянган тонн бэлтгэхээр төлөвлөж байгаа. Үүнд шаардлагатай 100 тэрбум төгрөгийн хөрөнгийн эх үүсвэрийг арилжааны банкуудаар дамжуулан олгоно. Энэ зээл нь гурван хувийн хүүтэй. 7.65 хувь буюу арилжааны банкны зөрүүг Засгийн газар төсөвт суулган шийдвэрлэнэ. Дотоодын мах бэлтгэлд 17 ААН хамрагдахаар арилжааны банканд судалгаа хийгээд явж байна.