Сонгуулийн ерөнхий хорооноос Ерөнхийлөгчийн сонгуулийг зохион байгуулахтай холбогдуулан мэдээлэл хийлээ.

Энэ үеэр ЦЕГ-ын тэргүүн дэд дарга Ц.Ням-Очир сонгуулийн сурталчилгааны үеэр гарсан хэрэг зөрчлийн талаар мэдээллээ.

Тэрбээр “Сонгуулийн хуудас хэвлүүлэх, санал тоолох төхөөрөмж хүрүүлэх, санал авах байр зэрэгт нийт 9535 цагдаагийн албан хаагч үүрэг гүйцэтгэж байна. Сурталчилгааны үеэр цагдаагийн байгууллагад сонгуулийн хууль зөрчсөн гэмт хэрэг зөрчлийн 41 дуудлага мэдээлэл бүртгэгдсэн. Тодруулбал, нэр дэвшигчийн нэр төрийг гутаан доромжилсон худал мэдээллийг нийтэд тараасан, хуурамч бичиг баримт үйлдэх, хуульд зааснаас өөр арга хэлбэрээр сонгуулийн сурталчилгаа явуулсан, илт худал мэдээлэл тараасан зэрэг гэмт хэрэг зөрчил бүртгэгдсэнээс 19-ийг нь шийдвэрлээд байна. Харин үлдсэн 22 гэмт хэрэг зөрчлийг шалгаж байна” гэлээ.