АНУ-ын Флорида мужид өнгөрсөн ням гарагт  69 дэх удаагийн “Ертөнц мисс” тэмцээний ялагчаар Мексикийн гоо бүсгүй Андрей Меза тодорлоо. Тэрбээр 73 орны гоо бүсгүйтэй өрсөлдөн, тайзан дээр ялагчаар нэрийг нь дуудахад нулимс унагасан байна. Түүний тухай баримтыг хүргэж байна.

1. “Ертөнцийн мисс” Андрей Меза 26 настай

Тэрбээр 1983 оны наймдугаар сарын 13-ны өдөр Чиуауа хотод гурван хүүхэдтэй айлын том охин болж мэндэлжээ.

2. Тэрбээр эмэгтэйчүүдийн эрхийн төлөө тэмцэгч

Андрей Меза нь Мексик хотын эмэгтэйчүүдийн институттэй хамтран ажиллаж, эмэгтэйчүүдийн эрхийн төлөө дуу хоолойгоо өргөдөг нэгэн. Тус байгууллага нь эмэгтэйчүүдийн тэгш оролцоо, эрх, ялгаварлан гадуурхалтын эсрэг үйл ажиллагаагаа явуулдаг байгууллага аж.

3. Хүн бүр үзэсгэлэнтэй гэдэгт итгэдэг

Тэрбээр “Ертөнцийн мисс” тэмцээний тайзан дээр “Бид хөгжиж буй нийгэмд амьдарч буй бөгөөд нийгэм хөгжихийн хэрээр би хэвшмэл ойлголттой болсон. Өнөө үед гоо үзэсгэлэн гэдэг бидний харагдах байдал биш юм. Гоо үзэсгэлэн гэдэг зөвхөн сүнсэнд биш бидний зүрхэнд, сэтгэлд буй зүйлээс гэрэлтэн гардаг. Хэнд ч өөрийгөө үнэ цэнгүй гэж бүү хэлүүл” хэмээн хэлжээ.

4. Тэрбээр Программ хангамжийн инженер мэргэжилтэй

Андрей Меза нь 2017 онд программ хангамжийн инженер мэргэжлээр төгссөн бөгөөд “Эрчүүд давамгайлсан чиглэлээр төгссөн гэдгээрээ бахархдаг” хэмээн хэлж байжээ. Мөн тэрбээр нүүр будагч, модель, аялал жуулчлалын брэндийн нүүр царай гэдгээрээ алдартай.

5. “Дэлхийн Мисс”-2017 тэмцээнд амжилттай оролцсон

Тэрбээр 2017 онд зохион байгуулагдсан “Дэлхийн мисс” тэмцээнд амжилттай оролцож, дэд байрт шалгарсан бөгөөд “Америк тивийн дэлхийн мисс” шагналыг хүртэж байжээ.