АНУ-ын Эмийн зохицуулагч байгууллага Пфайзер вакциныг 12-с дээш насны хүүхдүүдэд хийхийг зөвшөөрсөн бөгөөд ирэх пүрэв гарагаас эхлэн 12-15 насны хүүхдүүдэд коронавирусийн эсрэг вакцины эхний тунг тарьж эхэлнэ гэв. Ийнхүү АНУ хүүхдэд коронавирусийн вакцины дархлаажуулалтыг эхлүүлсэн анхны орон болж байна. Ерөнхийлөгч Жо Байден бага насны хүүхдүүдийг нэн даруй вакцинжуулах ажлыг дэмжсэн бөгөөд “Тус шийдвэр нь бидний вирустэй тэмцэх ирээдүйтэй бүтээн байгуулалт болж байна” хэмээн өсвөр насны хүүхдүүдийг дархлаажуулалтад хамруулахыг уриалжээ.

Одоогоор коронавирусийн халдвар авсан хүүхэд хүндээр өвчилсөн тохиолдол бага байгаа ч халдвар тээж, бусдад халдаах магадлалтай учир ийнхүү дархлаажуулалтад хамрагдах нь эерэг нөлөөтэй гэж үзсэн байна.