Өнгөрсөн гуравдугаар сарын 28-ны өдөр мэргэжлийн сүмогийн хаврын тэмцээний үеэр сандаме зиндааны сүмоч Хибикирюү толгойгоо чанга цохисны улмаас ухаан алджээ. Зургаан минутын турш тэрээр дэвжээн дээрээ хэвтсэн бөгөөд яаралтай тусламж үзүүлээгүй байна. Тэгвэл Хибикирюү эмнэлэгт байх хугацаанд биеийн доод хэсэг нь мэдээгүй болсон бөгөөд бүтэн сарын турш эмнэлэгт өвчинтэйгөө тэмцсэний эцэст нас баржээ. Энэхүү явдалд Сүмогийн холбооны тэргүүн Хибикирюүгийн гэр бүлд эмгэнэл илэрхийлсэн байна.