Энэтхэгийн Ерөнхий сайд Нарендра Модигийн нам коронавирусийн халдварыг үл харгалзан сонгуулийн жагсаал хийж буй нь олон нийтийн дургүйцлийг хүргээд буй аж.

Энэтхэгийн коронавирусийн халдварын тархалт дээд цэгтээ хүрээд байх үед Теленгана мужийн сонгуулийн ажилчид жагсаал цуглаан зохион байгуулж, халдварын дэглэмийг зөрчин, амны хаалтгүй ажилласан байна.

Энэтхэгт нэг өдөрт 352990 хүнээс кронавирусийн халдвар илэрч, нас барч буй хүний тоо 3000-д дөхөж байгаа билээ. Эмнэлгийн хангамж хүрэлцээгүй болж, иргэд гэртээ нас барах тохиолдож ихсэж байна. Тэгвэл Ерөнхий сайд Моди энэ үед олон мянган хүн оролцсон жагсаал цуглаан зохино байгуулсан нь шүүмжлэлд өртөөд байна.