Сингапурын амьтны хүрээлэн анх удаа зохиомол хээлтүүлгийн аргаар төрсөн арслангийн гүегийг өлгийдөн авчээ. Түүнийг Симба хэмээн нэрлэсэн боловч харамсалтай нь тэрбээр Муфаса аавтайгаа уулзаж чадаагүй байна. Учир нь зохиомол хээлтүүлгийн дараа аав нь сэргээгүй аж. Муфаса хөгширч, хатингаршсан учир амьтны хүрээлэнгийнхэн бие нь муудаж эхлэхэд түүний үр удмыг үлдээхийн тулд ховорхон хэрэглэдэг зохиомол хээлтүүлгийн аргыг ашиглажээ.

Муфаса нь хорин настайдаа гэр бүл, төрлөөсөө хагацаж, арван жил амьтны хүрээлэнд амьдарсан тул түүнийг хүчээр нойрсуулсан байна. Харин Симбагийн ээж Кайла эрслэн нь булчингийн үрэвслээс болж гүегээ хооллож чадахгүйд хүрчээ. Иймд гүегийг угжаар хооллож, тэднийг дотно байлгахад анхаарч байгаа гэнэ.

 “Симба гуравхан сартай хэдий ч цовоо цолгиун, эрүүл саруул өсөж, өдрийн ихэнх цагийг тоглож өнгөрөөдөг” хэмээн амьтны хүрээлэнгийнхэн мэдээллээ.  

Эх Сурвалж:BBC