БНЭУ-д Хөдөө аж ахуйн шинэчлэлийн хуулийг эсэргүүцсэн тариаланчдын өнгөрсөн мягмар гарагт эхэлсэн жагсаал улам хурцдаж, хүчирхийллийн шинжтэй болжээ.

Уг жагсаалын үеэр нэг хүн нас барж, 80 гаруй цагдаа шархадсан байна.  Эсэргүүцэгчид трактортай жагссан бөгөөд байдал улам дордож байна хэмээн мэдээлжээ. Энэхүү жагсаал нь Энэтхэг Улсын түүхэн дэх хамгийн том жагсаал болж буй аж.

Тариалан үйлдвэрчний эвлэл тайван жагсаалыг улам дордуулсан эсэргүүцэгч нарыг буруушааж байгаа бол цагдаагийн байгууллагаас энэхүү жагсаалыг толгойлсон 37 хүний нэрсийг тогтоогоод байна.

Тариаланчид хөдөө аж ахуйн шинэчилсэн хуулийг эсэргүүцэн хоёр сарын турш тэмцэж буй бөгөөд энэ хугацаанд 60 гаруй хүн нас баржээ. Жагсагчид Засгийн газартай 11 удаа гэрээ хэлэлцээр хийх гэж оролдсон ч амжилт олоогүй бөгөөд Засгийн газар шийдвэрээ буцаах талаар мэдэгдэл одоогоор хийгээгүй байна.