Дэлхийн хамгийн алдартай олон нийтийн сүлжээ болох “Фэйсбүүк” компанийн орлого өнгөрсөн оны нэгдүгээр сараас 33 хувиар өссөн талаар тус компанийн санхүү хариуцсан захирал Дэвид Вейнер мэдээллээ. “Фэйсбүүк” компани нь өнгөрсөн оны дөрөвдүгээр улиралд нийт 28 тэрбум ам.долларын орлого олсон бөгөөд 2019 оны дөрөвдүгээр улирал 21 тэрбум ам.долларын ашиг олж байсан аж.

      Үүнтэй холбогдуулан тус компанийн жилийн дундаж орлого 22 хувиар өсөж 85.9 тэрбум ам.доллар болсон байна. Мөн хоногийн дундаж үзүүлэлтээр “Фэйсбүүк” хэрэглэгчдийн тоо 1.84 тэрбум байсан бол тус хэрэглэгчдийн тоо нэг жилийн хугацаанд 11 хувиар өсжээ.