БНХАУ-ын Шаньдун мужид энэ сарын 10-нд дэлбэрэлтийн улмаас 22 уурхайчин гацсан харамсалтай хэрэг гарсан билээ. Уурхайчдыг аврах ажиллагаа 14 хоног үргэлжилсний эцэст 11 хүний амийг аварч чадсан бол есөн хүнийг амиа алдсан байхад нь олжээ.

Өнгөрсөн ням гарагт аврах багынхан 11 уурхайчинг татаж гаргасан ч эрлээ зогсоолгүй уурхайгаас амиа алдсан есөн хүнийг гаргасан бөгөөд нэг уурхайчин сураггүй, нэг уурхайчин комын байдалд байсаар амьсгал хураажээ.

Аврах ажиллагаа ахиад хэдэн долоо хоног үргэлжилнэ хэмээн таамаглаж байсан ч азаар уурхайчдыг аврах замыг хааж байсан том нуранга ням гарагийн өглөө унаснаар тэднийг аврах боломжтой болсон байна.

Хамгийн анхны аварсан хүнийг онцгой байдлынхан уухайлан өргөж, зөөж буй бичлэг олон нийтэд тархжээ. Хэт гэрлээс хамгаалах үүднээс уурхайчдын нүдийг нь боон эмнэлэгт хүргэсэн байна. Эхний хүнийгаварснаас цагийн дараа уурхайн өөр хэсгээс 10 хүнийг аварчээ.