Мэдрэмжтэй, чадварлаг ярилцлагаараа алдаршсан АНУ-ын хөтлөгч Ларри Кинг 87 насандаа таалал төгслөө. Бямба гарагийн өглөө түүний хүү Шанс энэхүү мэдээг үнэн хэмээн хүлээн зөвшөөрчээ. "Larry King Live" нэвтрүүлгийг 25 жилийн турш хөтөлсөн тэрээр энэ хугацаанд 30 мянга гаруй ярилцлага хийжээ. Түүний нэвтрүүлэгт Барак Обама, Жеральд Форд тэргүүтэй олон алдартан уригдан оролцож байв.

Тэрээр 2010 онд 6000 дахь дугаараа цацаад өөрийн нэвтрүүлгээсээ "Зодог тайлсан" билээ. Одоогоор түүний нас баралтын шалтгаан тодорхойгүй байгаа ч өнгөрсөн арванхоёрдугаар сард коронавирусийн халдварын улмаас эмнэлэгт хүргэгджээ.