Энэтхэгийн Пуна хотод “Serum Institute” судлалын хүрээлэнд гал гарчээ. Уг барилгад орон нутгийн цагаар пүрэв гарагийн 14:45 цагт гал гарсан гэх дуудлага онцгойгийнхонд ирсэн байна. Онцгойгийнхон дөрвөн хүн барилга дотор гацсанаас гурвыг нь авраад буй талаараа мэдээлжээ.

Тус барилга нь “Оксфорд” болон “АстраЗенека” компанийн хөгжүүлж буй коронавирусийн эсрэг “Covishield” вакцины үйлдвэр бөгөөд хажуугийн барилгаасаа гал алдсан гэнэ. Мэргэжилтнүүд галыг аюулгүй болгосон байна. Мөн гал алдсан хэсэг нь вакцин хадгалж, үйлдвэрлэдэг хэсэг биш хэмээн мэдэгдэв. “Serum Institute” хүрээлэн ойролцоогоор 40.5 га газар эзэмшдэг бөгөөд нэг цамхаг нь галд өртжээ.