Вьетнам Улсын хойд хэсэгт “Супер Яги” нэртэй хар салхи энэ сарын 8-нд дайран өнгөрсний улмаар аадар бороо орж, хөрсний гулгалт үүсжээ. Тус гамшгаас үүдэн  21 иргэн амиа алдан, 48 иргэн хүнд бэртэж, гэмтэн,  иргэд ор сураггүй болоод байна.

Одоогоор 50 мянга гаруй оршин суугчийг аюулгүй газарт нүүлгэн шилжүүлжээ. Вьетнам Улсын Засгийн газраас 12 мужийн сургуулиудыг хааж, дөрвөн нисэх онгоцны буудлын үйл ажиллагааг зогсоон, хойд бүсийн оршин суугчдыг гэрээсээ гарахгүй байхыг анхаарууллаа.  

Ханой хотод цахилгаан тасарч, барилга байгууламж нурснаар зам тээврийн дэд бүтцэд томоохон хохирол учруулаад байгаа юм байна.

“Супер Яги” далайн хар шуурга нь Вьетнам Улсыг дайрахаас өмнө Хятад Улсыг 245 км/цагийн хурдтайгаар дайран өнгөрч, их хэмжээний хохирол учруулсан байна. Тус гамшгийн үеэр гурван иргэн амиа алдаж, 100 орчим иргэн бэртэж гэмтсэн бол Филиппин Улсад 20 гаруй иргэн амиа алдаж, 22 хүн сураггүй алга болжээ.