Газын зурвас Израилын армитай дайтаж буй Палестины хэт даврагч “ХАМАС” бүлэглэл амиа золиослогчдыг эгнээндээ нэгтгэхээ мэдэгджээ. Тодруулбал, “ХАМАС” бүлэглэлийн удирдах албан тушаалтнуудын нэг Халед Машаал олон нийтэд “Израилын эсрэг амиа золиослогчдын бөмбөгдөлтийг дахин эхлүүлнэ” хэмээн мэдэгдсэн байна. Түүнчлэн түүнийг Истанбулд болсон хэвлэлийн хурлын үеэр “ХАМАС” бүлэглэл амиа золиослогчдыг эгнээндээ нэгтгэх болно гэсэн утгатай уриалга гаргасан талаар “Sky News”агентлаг мэдээлжээ.

Ташрамд дурдахад, энэ сарын эхээр Тель-Авив хотод амиа золиослогч этгээд тэсрэх бөмбөгтэй хантааз өмсөн олны дунд орж, өөрийгөө дэлбэлсэн. Уг дэлбэрэлтийг “ХАМАС” бүлэглэл үйлдсэнээ хүлээсэн бөгөөд цаашид энэ төрлийн халдлага үйлдэхээ мэдэгдээд байсан аж.