Боливийн Олон Үндэстний Улсын Зэвсэгт хүчнийхэн Ерөнхийлөгчийн ордон руу хүч хэрэглэн нэвтэрчээ. Тодруулбал, генерал Хуан Хосе Зунигагаар толгойлуулсан цэргийн хүчин өнгөрсөн шөнө Ла Паз хотын төв талбайг эзэлж, улмаар Ерөнхийлөгчийн ордон руу дайрч орон төрийн эргэлт хийхийг завдсан байна. Харин Зэвсэгт хүчнийхэн Ерөнхийлөгчийн ордныг хамгаалж байсан цэргүүдтэй мөргөлдөж, ордны цэргүүд төрийн эргэлт хийхээр завдсан генерал Х.Х.Зунигаг баривчилсан гэнэ.

Төрийн эргэлт хийхээр завдсан үйлдлийн талаар Боливийн дэд ерөнхийлөгч Дэвид Чокехуанка “Ардчилсан замаар сонгогдсон Засгийн газрын эсрэг төрийн эргэлт хийх гэж оролдсоныг олон улсын хамтын нийгэмлэг буруушааж байна” хэмээн албан ёсны цахим хуудсаараа дамжуулан мэдэгджээ.