Украины армийн ерөнхий командлагч Александр Сирский дайны фронтын нөхцөл байдал хүндэрч, арми фронтоос ухарсан талаар мэдэгджээ. Тухайлбал, Украины армийн командлагч фронтын нөхцөл байдал хүндэрснийг цэргийн тусламж, зэвсэг, техник хэрэгслийн хангамж муу байгаатай холбож байгаа бөгөөд Оросын тал фронтдоо цэрэг, олон тооны их буу, буудагч зэрэг нэмсэн гэсэн байна. Одоогийн байдлаар Оросын талын дайралт Украины зүүн нутгаас төвийн бүс рүү чиглэж байгаа бөгөөд Украины арми Донецк муж дахь дайны фронт, цэргийн ашигтай байрлалаасаа ухраад байгаа аж.

                               Түүнчлэн Украины армийн ерөнхий командлагчийн мэдэгдлийг АНУ-ын тусламжийн түргэсгэх гэсэн оролдлого байж болзошгүй талаар “Telegram” сүлжээнд бичсэн байна. АНУ-ын Төлөөлөгчдийн танхим өнгөрсөн долоо хоногт Украины дайнд 61 тэрбум ам.долларын цэргийн тусламж үзүүлэх асуудлаар санал хурааж, олонхын саналаар Украинд тусламж олгохоор болсон. Хэдий Вашингтон байж болох хамгийн богино хугацаанд Украины ард түмэнд тусламж хүргэнэ гэж мэдээлээд байгаа ч Украины армийн ерөнхий командлагч Александр Сирскийн “Фронтын нөхцөл байдал хүндэрсэн” гэх мэдэгдэл нь АНУ-ын тусламжийг яаруулсан үйлдэл ч байж болох гэнэ.