Колумбийн нэрт зохиолч Габриэль Гарсиа Маркесийн “100 жилийн ганцаардал” зохиол кино болжээ. Тодруулбал, нэрт зохиолчийн Нобелийн шагналт хүртсэн “100 жилийн ганцаардал” зохиолоор “Netflix” медиа компани цуврал кино бүтээсэн бөгөөд зураг авалтыг нь Колумбид хийсэн аж. Буэндиагийн гэр бүлийн түүхийг харуулах ижил нэрт тус цуврал киног “Netflix”-ийн албан ёсны вебсайт, аппликейшнээс үзэх боломжтой юм байна.

ХХ зууны хамгийн агуу зохиолчдын нэг гэгддэг Г.Г.Маркесийн “100 жилийн ганцаардал” ном дэлхийн 40 гаруй хэл дээр орчуулагдаж, 50 сая гаруй хувь худалдаалагдсан. Нэрт зохиолч тус бүтээлээрээ 1982 онд Нобелийн шагналт хүртсэн байдаг.