АНУ-ын Мэрилэнд, Виржиния мужийг холбосон Балтимор хотын Кэй гүүрийг өнөөдөр ачаа тээврийн онгоц мөргөж нураажээ. Тодруулбал, орон нутгийн цагаар 05:30 цагийн орчимд Сингапурын далбаатай ачааны онгоц гүүрийг мөргөсөн байна. Ослын улмаас 20 орчим хүн сураггүй болоод байгаа бөгөөд ачааны онгоцны багийнхан аюулгүй гарсан аж. Одоогийн байдлаар Балтимор хотын Онцгой байдлын алба Кэй гүүр нурсан хэсэгт ажиллаж, замын хөдөлгөөний зохицуулалт хийн сураггүй болсон иргэдийн эрэн хайх ажиллагаа явуулж байгаа юм байна. Түүнчлэн Кэй гүүрийг мөргөж нураасан Сингапурын онгоц нь дизель түлш тээвэрлэж байсан бөгөөд Кент арлын эргэн тойрон дахь усанд их хэмжээний дизель түлш холилдоод буйг онцолжээ.

Кэй гүүр нь зөвхөн Балтиморын боомтын худалдаа бус олон улсын худалдаанд нөлөө үзүүлдэг чухал гүүр юм. Тус гүүрээр зөвхөн өнгөрсөн 2023 онд 800 мянга гаруй усан онгоц нэвтэрч, 1.3 сая тонн импортын ачаа тээвэрлэсэн гэх тоон мэдээ байдаг.