Япон Улсын Засгийн газар энх тайвны бодлогоосоо татгалзаж, сөнөөгч онгоцнуудаа худалдахаар болжээ. Тухайлбал, БНХАУ, БНАСАУ-ын зүгээс заналхийлж буй гэх шалтгааны улмаас 2027 он гэхэд цэргийн зардлаа хоёр дахин нэмэгдүүлэх зорилт тавиад байсан Японы Засгийн газар ээлжит хуралдаанаараа сөнөөгч онгоцнуудаа экспортлох шийдвэр гаргасан байна. Тус улс Их Британи, Италитай хамтран шинэ сөнөөгч онгоц хөгжүүлж байгаа бөгөөд шинэ сөнөөгч онгоцнуудаа Засгийн газрын зөвшөөрөл бүхий бичгээр гадагшаа экспортлохоор болж байгаа аж. Ингэснээр дэлхийн дайнаас хойш энх тайвны бодлого баримталж, зэр зэвсэг гадагш худалдаж, нийлүүлээгүй Япон Улс шинэ сөнөөгч онгоцнуудаа худалдах шийдвэр гаргасан нь энх тайвны бодлогоосоо татгалзсан явдал болж байгааг барууны хэвлэлүүд онцолжээ.