Их Британийн цахим аюулгүй байдлын байгууллагууд хамтарч, хамгийн их хандалттай порнограф вебсайтуудад дүн шинжилгээ хийж, 4000 орчим олны танил, нэр, нөлөө бүхий хүн хуурамч порнографийн хохирогч болсныг тогтоосон байна. Тодруулбал, хиймэл оюун ухаан ашиглаж, алдартны дүр төрхийг ашиглан порнограф бүтээж, сошиал сүлжээнд цацаж байгаа бөгөөд олны танил эмэгтэй жүжигчин, телевизийн од, дуучин, ютүберүүдийн дүр төрхийг ашиглаж байгаа аж. Энэ талаар хиймэл оюун ашигласан хуурамч порнографийн хохирогч болсон “Channel 4 News” сувгийн хөтлөгч Кэти Ньютан “Хиймэл оюун ашиглаж, хувь хүний дүр төрхийн порнографт ашигласан нь том гэмт хэрэг. Хэн нэгний миний дүр төрхийг ашигласан хийсэн порнографийг үзээд надад үгүй хуурамч дүр, хувилбарыг харж байгаа гэж бодоход үнэхээр аймшигтай байна” гэж мэдэгджээ. Шалгалтын ажиллагаагаар Кэти Ньютаны бичлэгийг таван вебсайтаар гурван сарын дотор 100 сая гаруй хүн үзсэн нь тогтоогдоод байгаа юм байна.

Цахим аюулгүй байдлын байгууллагуудын судалгаагаар порнографтай холбоотой зөвшөөрөл, хуулийн заалт идэвхтэй яригдаж байгаа бөгөөд хиймэл оюун ашиглан алдартнуудыг нүүр царайг ашиглаж байгаа асуудал нөлөө үзүүлж байгааг “The Guardian” агентлаг онцолжээ.