Бүгд Найрамдах Хаити Улсын нийслэл Порт-О-Пренс хот руу дээрмийн бүлэглэлүүд дайрч, бослого дэгдээгээд буй. Европын хэвлэлүүдийн бичсэнээр Карибын тэнгис орчмоор үйл ажиллагаа явуулдаг анархист бүлэглэлүүд Хаити руу дайрсан гэнэ. Зэвсэгт этгээдүүд Порт-О-Пренс хотын гудамжид олон нийт рүү гал нээж, төрийн ордон руу дайрч орж, Дотоод хэргийн яамны барилгыг бөмбөгдөөд байгаа бөгөөд бүлэглэлүүдийн бослого гарсныг Хаитигийн албан төлөөлөгчид мэдэгджээ.

Дээрмийн бүлэглэлүүд одоо ч Порт-О-Пренс хотын гудамжаар явж байгаа бөгөөд хууль, хяналтын байгууллагаас амиа алдагсдын тоог тогтоох боломжгүй байгаа юм байна. Харин бүлэглэлүүдийн гэнэтийн бослоготой холбоотойгоор гаднын орнууд Хаитигаас иргэдээ татаж эхэлсэн бөгөөд өнөөдөр АНУ Хаити руу тус улсад амьдарч байгаа иргэдээ авчруулахаар тусгай үүргийн онгоц нисгээд байгаа аж.