Шинэ Зеландын Засгийн газар электрон тамхины худалдааг хориглох шийдвэр гаргажээ. Тодруулбал, электрон тамхины худалдааг эх орон даяараа хориглох шийдвэр гаргасан бөгөөд уг төрлийн бүтээгдэхүүнийг 18-аас доош насныханд худалддаг жижиглэнгийн худалдаачдад ногдуулах торгуулийн хэмжээг нэмэгдүүлж, тамхины худалдаатай холбоотой зохицуулалтыг сайжруулах тухай хэлэлцсэн байна. Улмаар Шинэ Зеланд элекстрон тамхины худалдааг эх орон даяараа хориглосон дэлхийн анхны улс болж байгаа аж.

                         Түүнчлэн Засгийн газрын хэлэлцэж, баталсан электрон тамхины худалдааг хориглох тухай шийдвэрийн талаар Шинэ Зеландын Эрүүл мэндийн дэд сайд Кейси Костелло “Электрон тамхи тамхидалтын түвшнийг мэдэгдэхүйц буурахад нөлөөлсөн. Гэсэн ч өсвөр үеийнхний дунд электрон тамхины хэрэглээ өсөн нэмэгдэж, ирээдүй хойчийг тамхидалтад уруу татаж байна” хэмээн мэдээлэл өгсөн байна.