Япон Улс өвлийн улиралд халтиргаа, гулгааны асуудлыг шийдэхийн тулд халаалттай явган хүний зам хийж эхэлжээ. Тухайлбал, тус улс хүйтний улиралд зөвхөн цас цэвэрлэхэд 80 орчим сая ам.доллар зарцуулдаг аж. Харин халаалттай явган хүний замын системийг нэвтрүүлснээр зөвхөн цас цэвэрлэхэд ашиглах зардлыг бууруулахаас гадна халтиргаа, гулгааны асуудлыг шийдэж, иргэдийг аюулгүй зорчих нөхцөл бүрдүүлэх гэнэ. Халаалттай явган хүний замыг газар дорх дулаан солилцогч системтэй холбосноор ажиллуулах бөгөөд хүйтний улиралд таван метр хүртэлх зузаан цас ордог Япон Улсад үр дүнтэй шинэ систем болж байгааг гаднын хэвлэлүүд онцолжээ.

Ташрамд дурдахад, Япон Улс халаалттай явган хүний замын системийн туршилтыг 2018 оноос эхэлсэн бөгөөд нийслэл Токио болон зэргэлдээх Нинохэ хотод хийсэн туршилт нь амжилттай болсон учир шинэ явган хүний замын системээ нэвтрүүлж байгаа аж.