Нигерийн галт зэвсгээр зэвсэглэсэн нэгэн гэмт бүлэглэл долоо хоногийн хугацаанд тус улсын хэд хэдэн тосгоны сургууль руу халдаж, хэдэн зуун хүүхдийг барьцаалаад байгаа гэнэ. Тухайлбал, өнгөрсөн пүрэв гарагт Курига тосгоны сургууль руу халдаж, 7-18 насны 280 гаруй хүүхдийг барьцаалсан бөгөөд хоёр хоногийн дараа ойролцоох Сокото тосгоны сургуульд халдаж, дахин 15 хүүхэд  барьцаалсан байна. Одоогийн байдлаар гэмт бүлэглэл хүүхдүүдийг Нигерийн баруун хойд хэсэг орших ой руу авч орсон гэх мэдээлэл байгаа бөгөөд хууль, хүчний байгууллагуудаас ойг самнах шаардлагатай гэж мэдэгджээ.

“Associated Press” агентлагаас гаргасан тайланд Нигерид сүүлийн нэг жилийн хугацаанд 3500 гаруй хүн барьцаалагдаж, хулгайлагдаад байгаа бөгөөд дийлэнх хэрэг нь бослого гаргагч жихадистуудтай холбоотой гэнэ.