ДЭМБ-аас мөргөлдөөн болж буй Газын зурвасын хойд хэсэг бага насны хүүхдүүд өлсгөлөнд нэрвэгдэж, амиа алдаж байгаа талаар мэдээлжээ.

                      Тодруулбал, өнгөрсөн сард ДЭМБ-ын Ерөнхий захирал тэргүүтэй төлөөлөгчид “ХАМАС”, Израилын мөргөлдөөн эхэлснээс хойш анх удаа Газын зурваст айлчилсан байна. Харин айчлалаас ирсэн ДЭМБ-ын Ерөнхий захирал Тедрос Адханом Гебрейюс Газын зурвасын хойд хэсэгт хоол, хүнс ховордож, хүүхдүүд өлсгөлөнд нэрвэгдэж, амиа алдаж байгаа тухай мэдэгдэл хийжээ. ДЭМБ-ын Ерөнхий захирлын мэдээлснээр Газын зурвас одоогоор хүнсний хомстолтой холбоотой шалтгаанаар 10 гаруй хүүхэд, шингэний дутагдлын улмаас 15 хүүхэд амиа алдаад байгаа юм байна. Түүнчлэн Газын зурваст нийт 300 мянга орчим хүн хоол, хүнсний хомстолд орж өлсгөлөнд нэрвэгдээд байгаа бөгөөд тусламж хүрэх газартаа хүрч чадахгүй байгааг онцолжээ.