Саяхан эдийн засаг нь гэнэтийн уналтад орж, дэлхийд хөгжлөөрөө гуравт жагсаж байсан ч нэг байр ухарч, дөрөвт жагсах болсон Япон Улсад шинэ төрөлт ноцтой хэмжээнд хүрснийг тус улсын Засгийн газар мэдээлжээ. Тодруулбал, өнгөрсөн 2023 онд Японд нийт 758,631 нярай төрсөн нь өмнөх оны муу дүнгээсээ 5.1 хувиар буурсан үзүүлэлттэй байгааг Японы Эрүүл мэнд, нийгмийн хамгааллын яам мэдэгдсэн байна. Статистик мэдээллээс үзвэл өнгөрсөн онд Японд 750 мянга гаруй хүүхэд мэндэлсэн нь тул улсын түүхэнд 1899 оноос хойших хамгийн бага төрөлт болоод байгаа аж. Түүнчлэн 2023 онд Японы хэмжээнд гэрлэлтийн тоо 5.9 хувиар буурч, шинээр 489,281 хос гэрлэлтээ баталгаажуулсан нь сүүлийн 90 жилд анх удаа хагас саяас доош буурсан байна.

                             Улмаар Япон Улсын Засгийн газраас уг асуудалд ноцтой анхаарал хэрэгтэй болсныг мэдэгдсэнтэй холбоотойгоор орон нутгийн хэвлэлүүд “Япон мөхөж байна” хэмээн мэдээлж байна гэнэ.