Хоёрдугаар сарын 26-нд нэгэн сонирхолтой баярын өдөр тохиодог гэдгийг хүмүүс төдийлөн мэддэггүй. Өнөөдөр "Яаралгүй байх өдөр" гэсэн баяр олон улсын статустай болжээ. Ийм баяртай байх санааг Италичууд сэдсэн бөгөөд  сэтгэлийн хөөрөлтэй итали түмэн анх 2007 онд энэ өдрийг тэмдэглэжээ. Баярын гол зорилго нь амьдралын агшин бүрээс яаралгүй таашаал авах явдал аж.

1878 ОНЫ ЭНЭ ӨДӨР “МИКРОБ” ГЭДЭГ ТОМЪЁОЛОЛЫГ АНХ ГАРГАЖЭЭ

           Францын гүн ухаантан ба хэл судлаач Эмиль Литтре “микроб” гэсэн үгийг бодож олсон нь 1878 оны энэ өдөр явуулсан захидалд нь бичигдэн үлджээ. Францын эрдэмтэн Шарль Седийо түүнээс микро организмуудад таарах нэр бодож өгөхийг гуйсны хариуд уг нэршил үүссэн гэдэг.

          Микро организмууд (микробууд) нь энгийн нүдэнд харагдахгүй хэтэрхий жижиг амьд организмуудын нийтлэг бүлэг юм. Тэдний ердийн хэмжээ нь 0,1 мм. Тэдний бүрэлдэхүүнд цөмгүй (прокариатууд, нянгууд, архей) организмууд ба  вирус биш хэдий ч тусгай бүлэг болсон мөөгөнцөр ордог. Микроб нь голчлон нэг эсээс бүрэлддэг ч олон эст тааралдах нь бий. Тэднийг судладаг шинжлэх ухааныг микробиологи гэдэг. Микро организмууд нь ус, нэн ялангуяа халуун эх булагт, далайн ёроол, газрын гүнд ч байдаг. Микро организмыг анх 250 жилийн өмнө буюу бичил организмыг 160-200 дахин томруулдаг багаж хэрэгсэл гарсны дараа  нээжээ. Микробын шинжлэх ухаанд Францын нэрт эрдэмтэн Луи Пастер ихээхэн хувь нэмэр оруулсан. Оросын эрдэмтэн Илья Ильич Мечников микро биологийн үндэслэгч нарын нэгээр зүй ёсоор нэрлэгддэг.

       Мөн 747 оны энэ өдөр  Эпокын Птоломейн эрин үе эхэлжээ.1616 оны энэ өдөр  Алдарт одон оронч Галилео Галилейн дэлхий нарыг тойрдог тухайн үзлийг олон нийтэд заахыг Ромын католик сүмээс хориглов. 1815 оны энэ өдөр Наполеон Бонапарт Элба арлаас оргожээ.1876 оны энэ өдөр Япон-Солонгосын хооронд байгуулсан гэрээний дагуу Япончууд тус улсад тусгай эрх дархтай болсон бөгөөд Япончууд гурван боомт нээж, худалдааг хянахаар санаархаж эхэлж байсан түүхтэй аж.