Арменийн Засгийн газар өнгөрсөн өдөр Азербайжаныг дайнд бэлдэж, цэргийн хүчээ цуглуулж эхэлсэн талаар мэдэгдсэн тухай мэдээлэл гаднын зарим хэвлэлээр гарсан. Тэгвэл энэ тухай Азербайжанаас үгүйсгээгүй бөгөөд тус улсын төрийн тэргүүн Илхам Алиев “Бид Арменитай энхийн үйл явцыг үргэлжлүүлэхийг хичээж байгаа. Гэхдээ цэргийн хүчнээ бэлэн байдалд хадгалах болно” гэж мэдэгдсэн байна.

                               Азербайжан Улсын Ерөнхийлөгчийн сонгуулийн санал хураалт өнгөрсөн лхагва гарагт болж Ерөнхийлөгч Илхам Алиев 92 хувийн саналтайгаар дахин сонгогдож, тав дахь удаагаа тангараг өргөсөн. Тэрбээр Арменитэй холбоотой асуудлаар хийсэн мэдэгдэлдээ Азербайжан, Арменитэй энх тайвныг үргэлжлүүлэхийг хичээж байгаа ч хөндлөнгийн гуравдагч орны оролцоогүйгээр хэрэгжүүлэх боломжгүй болж байгаа тухай онцолсон аж.