Америк хөл бөмбөгийн хамгийн том тэмцээн Super Bowl буюу супер цомын Канзас-Сити хотод болсон ялалтын парадын үеэр буудалцаан болжээ.

Тодруулбал, орон нутгийн цагаар 14:00 орчимд ялалтын парад эхлээд удаагүй байхад ойролцоох галт тэрэгний буудлаас эхлэн буун дуу сонсогдож, буудалцаж эхэлсэн байна. Албаны хүмүүсийн мэдээлснээр буудалцааны үеэр нэг хүн хүн амиа алдаж, 21 хүн шархадсаны долоо нь хүнд шархтай, наймынх нь биеийн байдал нэн хүнд эмнэлэгт хүргэгдсэн аж. Одоогийн байдлаар ялалтын парадын үеэр ажиллаж байсан 800 цагдаагийн алба хаагч дээр нэмэгдэн онцгой байдлын алба хаагчид үймээнийг намжаах ажиллагаа зохион байгуулж байгаа гэнэ. Харин мөрдөн шалгах ажиллагаа явагдаж байгаа учир буудалцааны талаар дэлгэрэнгүй мэдээлээгүй байна.