Палестины “ХАМАС” бүлэглэл Израилд гэнэтийн цохилт өгснөөс хойш Израилын армийн Газын зурваст хийж буй дайралтын улмаас зурвасын нийт барилга, байгууламжийн тал гаруй хувь нь эвдэрч, сүйдсэн талаар мөргөлдөөний шинжилгээний тайланд дурджээ.

                             Тухайлбал, өнгөрсөн 2023 оны аравдугаар сарын 7-нд “ХАМАС” бүлэглэл Израилын хэд хэдэн хотод агаар, газар, усан замаар нэгэн зэрэг гэнэтийн цохилт өгсөн. Үүнээс хойш Израилын арми Газын зурвас руу дайрч эхэлсэн бөгөөд дайны танк, хуягуудаа оруулж, хүчтэй шахалт өгч байгаа талаар гаднын хэвлэлүүд мэдээлж байна. Тэгвэл “BBC”-ээс гаргасан “ХАМАС”, Израилын мөргөлдөөний шинжилгээний тайланд дурдсанаар Газын зурваст цохилт өгч эхэлснээс хойш тус газрын нийт барилга, байгууламжийн тал гаруй хувь нь эвдэрч, сүйджээ. Мөн НҮБ-ын мэдээлснээр Израилын дайралтаас хойш Газын зурвасын нийт хүн амын 80 гаруй хувь буюу 1.7 сая хүн дүрвээд байгаа юм байна.