Японы төвийн бүсийн Ишикава мужид 7.6 магнитудын хүчтэй газар хөдөлжээ. Газар хөдлөлттэй холбоотойгоор эргийн мужуудад цунамигийн сэрэмжлүүлэг гаргаад буй бөгөөд эрх баригчид Ишикава, Нийгата, Тояма мужид иргэдийн нүүлгэн шилжүүлэн шийдвэр гаргасан байна. Тодруулбал, өнөөдөр Японы төв хэсэг 90 минутын хугацаанд 4-7.6 магнитудын хүчтэй газар хөдлөлтийн 21 чичиргээ мэдрэгджээ. Газар хөдлөлтийн хүчтэй чичиргээнээс үүдэлтэйгээр Японы Цаг уурын агентлагаас таван метр хүртэлх өндөр цунамигийн аюул нүүрлэж болзошгүйг анхааруулаад байгаа аж.

               Ташрамд дурдахад, 2024 оны эхний өдөр Японы төв хэсэг 7.6 магнитудын хүчтэй газар хөдөлсөн нь 2011 онд Японы зүүн хойд хэсэгт газар хөдөлж, 40 метр өндөр цунамигийн давалгаа үүсгэснээс хойших хамгийн өндөр баллын хүчтэй газар хөдлөлт болоод байгаа юм байна.