“ХАМАС” бүлэглэлийн хэвлэлийн төлөөлөгч орон нутгийн телевизээр “Барьцаанд байгаа хүмүүсийг хөнөөнө. Израил барьцааны хүмүүсээ амьд хүлээж авахгүй” гэсэн утгатай мэдэгдэл хийжээ. Одоог хүртэл Израилын 130 гаруй иргэн барьцаанд байгаа бөгөөд “ХАМАС”-ын заналхийлсэн мэдэгдэлтэй холбоотойгоор НҮБ-ын Ерөнхий Ассамблей яаралтай хуралдахаар болсон талаар “The Guardian” мэдээлэв.

                   Израилын Батлан хамгаалахын эх сурвалжийн мэдээлснээр тус улсын арми Газын зурвасын хойд хэсэг бүрэн хяналтаа тогтоогоод байгаа. Түүнчлэн 7000 орчим палестины идэвхтнийг хорьж байгаа бөгөөд “ХАМАС”-ын хувьд Газын зурвас дахь нөхцөл байдал хүндэрсэнтэй холбоотойгоор барьцааны хүмүүсийн амийг хөнөөнө гэж заналхийлсэн байж болзошгүй талаар олон улсын тоймчид мэдэгдэж байна. Харин НҮБ-ын Ерөнхий Ассамблейн шуурхай хуралдаанаар “ХАМАС” барьцаалагдсан хүмүүсийн аюулгүй байдал болон хоёр орны мөргөлдөөний талаар хэлэлцэх юм.