Өнгөрсөн ням гарагийн өглөө Хятадын зүүн хойд хэсэгт "Хутга барьсан этгээд халдаж долоон хүн нас барлаа" хэмээн мэдээлжээ. Уг халдлага Ляонин мужийн Кайюань хотод болсон бөгөөд халдлагад өртсөн долоон хүн хүнд бэртсэн аж.

          Уг хэргийг үйлдсэн Ян овогтныг баривчлан, олон нийтийн газар хүн рүү дайрах болсон шалтгааныг хуулийн байгууллагаас шалгаж байна. Тус хэрэгтнийг зогсоохыг оролдсон цагдаа хүнд гэмтсэн байна. Хятадад хутгатай этгээд иргэд рүү дайрсан тохиолдол өмнө нь хэд хэд гарч байжээ. Өнгөрсөн зургадугаар сард Гуанси мужийн бага сургуульд хутга барьсан этгээд дайрч хүүхэд, насанд хүрсэн 37 хүнийг шархдуулсан хэрэг гарч байсан юм. 2018 онд мөн хутга барьсан эмэгтэй цэцэрлэгийн 18 хүүхдийг хөнөөсөн хэрэг гарч байлаа.