Олон улсын агаарын чанарын индекс тогтоодог байгууллагаас БНЭУ-ын Дели хотын агаарын бохирдол ДЭМБ-ын тогтоосон хэмжээнээс 100 дахин их гарсан талаар мэдээллээ. Тухайлбал, дэлхийн хамгийн их агаарын бохирдолтой хотуудын нэг гэгддэг Дели хотод хүйтний улирал эхэлж, агаарын чанарын индекс нь бараг 500-д хүрсэн байна. Агаарын чанарын индекс нь ДЭМБ-ын эрүүл гэж үзэх хэмжээнээс 100 дахин муу байгаа аж. Мөн үүнтэй холбоотойгоор Энэтхэгийн эрх баригчид шуурхай хуралдаж, нийслэлийн бүсэд сургууль, цэцэрлэгийн үйл ажиллагааг зогсоож, барилга, байгууламж барихыг хориглох шийдвэр гаргаад байна.