Францын Тагнуулын алба өөр орны эрх баригчдад мэдээлэл нийлүүлсэн байж болзошгүй нууцыг ил болгосон сэтгүүлч Ариан Лавриллюг өнгөрсөн шөнө Тагнуулын алба, Дотоодын аюулгүй байдлын ерөнхий газрын мөрдөгчид баривчилжээ. Эх сурвалжийн мэдээлснээр Тагнуулын албаныхан энэ сарын 19-нд сэтгүүлчийн гэрт нэгжлэг хийсэн бөгөөд баривчилсны дараа Дотоодын аюулгүй байдлын ерөнхий газрын мөрдөгчид байцаасан байна. 

Сэтгүүлч Ариан Лавриллюгийн Францын эрэн сурвалжлах сэтгүүл зүйн “Disclose” сайтад нийтлэгдсэн бөгөөд ил болгосон мэдээлэл нь тус улсын Тагнуулын албаны нууцтай холбоотой гэнэ. Тухайлбал, 2021 онд Египетийн эрх баригчид Египет-Ливийн хил дэх хууль бус наймаачдын бөмбөгдөж, хөнөөх тушаал гаргахдаа Францын Тагнуулын албанаас мэдээлэл авч, ашигласан байж болзошгүй байгаа юм байна.

                                     Ариан Лавриллюг Францын Тагнуулын алба, Дотоодын аюулгүй байдлын ерөнхий газраас баривчилсантай холбоотойгоор CPJ буюу Сэтгүүлчдийг хамгаалах хорооны Европ дахь төлөөлөгч Аттила Монг “Сэтгүүлчид үндэсний батлан хамгаалах, аюулгүй байдлын асуудлаар чөлөөтэй мэдээлэх орон зайтай байх ёстой. Хэрэв сэтгүүлчээс нууц эх сурвалжийнх нь талаар асуувал тэднийг үндэслэлгүй дарамт шахалтад оруулсан хэрэг болж байна. Энэ нь цаашлаад улсын батлан хамгаалах, сэтгүүлчдийн эрх зүйд ч сөргөөр нөлөөлж болзошгүй” хэмээн мэдэгдэл хийжээ.