Халим судлаачид Мексикийн баруун эрэгт өмнө мэдэгдээгүй халимын шинэ төрөл зүйл нээжээ. Уг халим нь "кетасиан" бүлгийн халим бөгөөд Далай хамгааллын хүрээлэн "Сан Бенито" арлын ойролцоо АНУ-ын хилээс 450 км орчимд олжээ. Багынхан тус газар өмнө бүртгэгдээгүй халимын акустик дохиог илрүүлж, шалгаж үзсэний үндсэнд  шинэ төрлийн халим болохыг нээсэн байна. Халим судлалын багынхан гурван халимны гэрэл зураг болон видео бичлэгийг хийж, усан доорх микро утсыг ашиглан акустик дохиог дахин бичиж авчээ. Тэд шинэ төрөл зүйл гэдэгт итгэлтэй байгаа бөгөөд харагдах байдал, акустик дохио нь ч мөн урьд байгаагүй халимын төрөл гэжээ.

Энэхүү том хэмжээний хөхтөн амьтан дэлхий дээр оршин буй ч шинжлэх ухаанаар нээгдээгүй нь зарим хүнд итгэхэд бэрх байж мэднэ. Шинэ халимын төрөл зүйл нээсэн энэхүү явдал нь бид далайн гүн дэх маш их нууцыг нээгээгүйн илрэл юм.