АНУ-ын Цагаан ордон шинэ жилийн чимэглэлээрээ алдартай. Уг уламжлал нь 1800 оноос эхтэй. Чимэглэл нь тухайн жилээ тодотгосон сэдэвтэй байхаас гадна тэргүүн хатагтай нар өөрсдийн онцлог загварын шийдлээ дэлгэн харуулж, чимэглэдэг уламжлалтай. Тус уламжлал нь Улсынхаа хамгийн том айл нь гэрээ чимэглэж, ард иргэдээ төлөөлж буйг бэлгэддэг. Гэрэл зургийн түүхээс нь хуваалцъя. 

Шинэ жилийн өдрүүд Цагаан ордны хамгийн үзэсгэлэнтэй өдрүүд байдаг. 

1931 он Цагаан ордны үүдэн дэх "Гэрэлт модон чимэглэл" 

 Ерөнхийлөгчийн гэр бүл бүр өөрсдийн уламжлалаа Цагаан ордонд авчирдаг. Жишээлбэл, 1885 онд Ерөнхийлөгч Гровер Кливланд охидоо хөгжилтэй байлгахын тулд ордны зул сарын модонд анх удаа гэрэл асаажээ. 

1923 онд  ерөнхийлөгч Калвин Кулидж олон нийтийн зул сарын баярыг Цагаан ордонд анх удаа тэмдэглэсэн бөгөөд анхны үндэсний зул сарын модны гэрлэн чимэглэлийг асаасан цагаас хойш Зул сарын гэрэл асаах ёслол уламжлал болон иржээ. 

1961 онд тэргүүн хатагтай Жак Кеннеди "Цөмөөхэй" балетын сэдвээр гацуур модоо чимэглэжээ.

1991 онд тэргүүн хатагтай Барбара Буш гараар оёсон чимэглэлээр гацуураа чимжээ. 

1993 онд тэргүүн хатагтай Хиллари Клинтон Цагаан ордны зул сарын анхны модоо "Сонгодог болон этгээд" хэв маягаар чимэглэсэн нь

2009 онд тэргүүн хатагтай Мишель Обама "Байгаль орчноо дээдлэх" уриан дор "Тусгал, баяр баясал, шинэчлэл" нэрийн дор чимэглэжээ. 

2011 онд тэргүүн хатагтай Мишель Обама үе үеийн  цэргийн албан хаагч болон тэдний гэр бүлд зориулан "Гэрэлт, өг, хуваалц" нэрийн дор зул сарын гацуураа засжээ. 

2017 онд тэргүүн хатагтай Меланиа Трамп "Цаг хугацаагаар дээдлэгдсэн уламжлал" нэрийн дор Цагаан ордныг чимэглэжээ. 

2018 онд тэргүүн хатагтай Меланиа Трамп "Америкийн сан хөмрөг" хэмээх нэрийн дор цагаан ордныг чимэглэжээ.

2020 онд Цагаан ордонд сүүлийн зул сараа тэмдэглэж буй тэргүүн хатагтай Меланиа Трамп "Үзэсгэлэнтэй Америк" нэрийн дор цагаан ордныг чимэглээд байна.