Модерна эмнэл зүйн компани өнгөрсөн даваа гарагт АНУ-ын хүнс эмийн болон хяналтын газар коронавирусийн эсрэг вакцины зөвшөөрөл авахаар өргөдөл хүргүүлжээ. Уг вакцин ковид-19-өөс  94.1 хувийн үр дүнтэй хамгаалах вакцины тухай өргөтгөсөн мэдээллийг хянуулахаар өгсөн ба  вакцин нь хүнд хэлбэрийн тохиолдлыг 100 хувь хамгаалж чадна гэжээ.

Уг хорооныхон тэдний илгээсэн өгөгдлийг “гайхалтай үр дүн” хэмээн урьдчилсан байдлаар дүгнэжээ. Модернагийн эмийн судалгааны ахлах мэргэжилтэн доктор Талзакс “Бид маш сайн үр дүнг хүлээж буй ба тахлыг зогсоож чадна гэж итгэж байна” гэж хэлжээ.  Модерна нь вакцины зөвшөөрөл авахаар өргөдөл гаргасан хоёр дахь компани бөгөөд арваннэгдүгээр сарын 20-ны өдөр Пфизер ижил үр дүнтэй вакцины өргөдлөө гаргасан байна.

Ирэх долоо хоногийн пүрэв гараг буюу арванхоёрдугаар сарийн 10-ны өдөр энэ жилийн хамгийн чухал өдөр тохионо. Дэлхий нийтээр жилийн турш итгэл найдвар тавин хүлээсэн Пфизерийн компанийн хүсэлтийг хүнс эмийн хяналтын албаны вакцин ба бусад биологийн бүтээгдэхүүний асуудал эрхэлсэн мэргэжлийн хорооны хурлаар хэлэлцэнэ.

Харин Модерна компанийн өргөдлийн арванхоёрдугаар сарийн 17-ны өдөр хэлэлцэхээр товложээ.