RSF буюу Хил хязгааргүй сурвалжлагчид ашгийн бус байгууллагаас гаргасан дэлхийн хэвлэлийн эрх чөлөөний индексээр Монгол Улс 68 дугаар байрт жагсжээ. Монгол Улс тус судалгаанд 2013 оноос оролцож эхэлсэн бөгөөд өнгөрсөн 2020 онд 73 дугаар байрт жагссан юм.

          Дэлхийн нийт 180 орон оролцсон энэ удаагийн индекст 73 орон худал мэдээллийг бүрэн хааж аль эсвэл ноцтой саад болсон, 59 оронд хязгаарласан байна.  Мөн 2021 оны дэлхийн хэвлэлийн эрх чөлөөний барометрт тус судалгаанд оролцогч 28 орны 59 хувийнх нь сэтгүүлчид худал гэдгийг мэдсэн ч, мэдээлэхээс өөр аргагүй байдаг талаар тусгасан байна.

Энэ талаар Хил хязгааргүй сурвалжлагчид ашгийн бус байгууллагын Ерөнхий нарийн бичгийн дарга Кристоф Делуар “Сэтгүүл зүй бол худал, ташаа мэдээллийн эсрэг хамгийн сайн вакцин. Харамсалтай нь түүнийг боловсруулах, түгээх нь хүртэл улстөр, эдийн засаг, технологи, зарим тохиолдолд соёлын хүчин зүйлээс шалтгаалж байна. Дижитал платформыг ашиглан хил дамнан олон нийтэд худал мэдээлэл цацаж байгаагийн эсрэг олон төрлийн баримтад тулгуурласан сэтгүүл зүйг таниулах нь худал мэдээллийн эсрэг хамгийн үр дүнтэй арга” хэмээсэн байна.