Чех Улсын эрх баригчид өнгөрсөн бямба гарагт ОХУ-ын 18 ажилтныг нутаг руу нь хөөсөн байна. Тэгвэл ОХУ-ын эрх баригчид Чех Улсыг төлөөлөн ажиллаж буй 20 дипломатчийг эх орноосоо хөөнө хэмээн мэдэгдлээ.

Чех Улсын орон нутгийн тагнуулууд "ОХУ-ын дипломат ажилчид бол тагнуулчид" хэмээн мэдэгдсэн төдийгүй 2014 онд зэвсгийн агуулах дэлбэрэх ажилд ОХУ-ын тал оролцсон хэмээн үзэж байна.

Харин ОХУ уг явдлыг "урьд өмнө нь байгаагүй дайсагнасан явдал" хэмээн хариулжээ.

Уг асуудлын талаар Европын холбооны Гадаад хэргийн сайд нар чуулахаар болсон байна.

2014 оны аравдугаар сарын 16-ны өдөр Чехийн Вбритице дэх зэвсгийн агуулах дэлбэрч хоёр хүний амь үрэгдсэн билээ. Тус хэргийн мөрдлөгийн ажилд ОХУ холбоотой болох нь тогтоогдож Чехийн цагдаа нар Александр Мишкин, Анатолий Чепигов нарыг буруутгасан байна.

Эх сурвалж: BBC, The Moscowtimes