АНУ-ын 46 дахь Ерөнхийлөгчөөр сонгогдсон Жо Байдены тангараг өргөх ёслолыг ирэх даваа гарагт зохион байгуулах байсан ч хоёр хоногоор хойшлуулж, ирэх лхагва гарагт зохион байгуулахаар боллоо. Өнгөрсөн долоо хоногт Капитолд гарсан үймээний улмаас тус улсын шинэ төрийн тэргүүний аюулгүй байдлыг хамгаалан үндэсний гвардын 10 мянган цэрэг Капитолд ажиллаж байгаа юм.

       Шинэ Ерөнхийлөгч Жо Байден болон дэд ерөнхийлөгч Камара Харрис нарын тангараг өргөх ёслолын аюулгүй байдлыг хангах үүднээс бэлтгэл сургуулилалтыг илүү хангах зорилгоор хойшлуулсан байна. Мөн “Ковид-19” цар тахлын аюулаас сэргийлэхийн тулд аль болох цөөн хүнтэй зохион байгуулах төлөвлөгөөтэй байгаа аж. Ирэх лхагва гарагт 46 дахь Ерөнхийлөгч Жо Байден албан ёсоор ажлаа эхэлж, төрийн тэргүүний суудлаас бууж буй Дональд Трамп төрийн ордныг орхих юм.