Беларусийн Ерөнхийлөгчийг сонгох ээлжит сонгууль ирэх 2025 онд болно. Ирэх сонгуулиар олон жил төрийн эрхийг барьсан Александр Лукашенко унаж, шинэ хүн, сөрөг хүчин гарах боломжтой талаар олон улсын хэвлэлүүд мэдээлж байсан. Тэгвэл Ерөнхийлөгч А.Лукашенко 2025 оны Ерөнхийлөгчийн сонгуульд дахин өрсөлдөхөө албан ёсоор мэдэгдсэн байна.

                         Өдгөө 69 настай Александр Лукашенко Беларусийн Ерөнхийлөгчөөр 1994 оноос хойш ажиллаж байгаа бөгөөд түүний олон жилийн ноёрхлыг олон улсын хэвлэлүүд дарангуйлагч А.Лукашенко гэх нь бий. Харин Беларусийн Ерөнхийлөгчөөр 30 жил ажилласан А.Лукашенко хийсэн мэдэгдэлдээ “Сөрөг хүчиндээ намайг сонгуульд оролцоно гэж хэлээрэй. Нөхцөл байдал хүнд байх тусам тэд Беларусийн нийгмийг үймүүлж, ард түмэн, нийгмийг дарамталж байна. Харин бид Беларусийн төлөө зөв зүйл хийх болно” гэжээ.