Унгар Улсын Гадаад хэргийн сайд Петер Сиярто өчигдөр болсон Европын зөвлөлийн хуралдаанд оролцох үеэрээ “Унгар улс бусад оронтой ОХУ-ын байгалийн хийн нийлүүлэлтийг хориглох талаар хэлэлцэхээр төлөвлөөгүй. Энэ хязгаарлалт улсын эдийн засгийг сүйрүүлэх болно” гэж мэдэгджээ

Люксембургийн уулзалтаар хэлэлцэхээр төлөвлөж байсан Европын холбооны байгалийн хийн худалдан авах хамтарсан платформ байгуулах асуудлаар Унгарын Гадаад хэргийн сайд Петер Сиярто хэлэхдээ "Европын холбоо хийн шинэ эх үүсвэр хайж байгаа бол бид ямар ч асуудал гаргахгүй. Гэхдээ үүнд нь зөвхөн оролцох л боломжтой бөгөөд гишүүн орнуудтай адил худалдан авалттай холбоотой аливаа үүрэг хариуцлага хүлээхгүй" гэсэн байна.

                Барууны хориг арга хэмжээний улмаас үүссэн "Хойд урсгал-2" хоолойн тоног төхөөрөмжийн техникийн ноцтой асуудлын улмаас Унгарын эдийн засаг маш их буурсан талаар онцолжээ. Энэ нь засвар үйлчилгээ хийлгэхээр илгээсэн тоног төхөөрөмж Канадаас буцаж ирээгүйтэй холбоотой эсэхийг Европын комиссоос шалгахыг Унгар Улс хүлээж байгаа бөгөөд "Хэрэв энэ үнэн бол бид Европт байгалийн хийн нийлүүлэлтийг богино хугацаанд хямралд оруулахгүйн тулд Европын комиссоос тодорхой арга хэмжээ авна гэж найдаж байна" гэж Гадаад хэргийн сайд Петер Сиярто мэдэгдэв.

Харин  Канад  Улсын талаас ОХУ-ын эсрэг хориг арга хэмжээ авсан тул уг төхөөрөмжийг Канадаас тээвэрлэх боломжгүй гэж мэдэгджээ.