ОХУ-ын Гадаад хэргийн сайд Сергей Лавров саяхан өгсөн нэгэн ярилцлагадаа “Яаж ОХУ, Украины асуудлыг “нацизмгүй болгох”-д тэмцэж байна гэж ойлгож болох вэ” гэсэн асуултад “Миний буруу байж магад. Гэхдээ Гитлер еврей цустай байсан. Мөн Зеленский ч гэсэн еврей хүн гэдэг нь утга учиртай. Мэргэн еврей хүмүүс эрт цагаас “Еврейчүүдийг хамгийн их үзэн яддаг нь еврей хүн байдаг” гэж ярьдаг байсан” гэж хариулжээ. Лавровын хэлсэн үг Нацист Германы зургаан сая еврей хүнийг хөнөөсөн Холокостын үед хамаарах өнөөгийн Израилийн иргэдийн шүүмжлэлийг дагуулаад байна.

Тэгвэл энэ асуудлаар ОХУ-ын Ерөнхийлөгч Владимир Путин Израилийн Ерөнхий сайд Нафтали Беннеттей утсаар ярьсан байна. Уг уулзалтын үеэр “Гадаад хэргийн сайдынхаа хэлсэн үгэнд Ерөнхийлөгч Владимир Путин уучлалт гуйлаа” гэж Ерөнхий сайд Беннеттийн ажлын албанаас мэдэгджээ. Одоогийн байдлаар Оросын талаар энэ талаар мэдээлээгүй байгаа ч, Израиль даяар түгээд байгаа юм.