Украин Улсын Ерөнхийлөгч Владимир Зеленский албан ёсны цахим хуудсаараа дамжуулан Европын холбоонд хандан үг хэлжээ. Тэрбээр “Европын холбооноос ОХУ-ын эсрэг авсан хориг арга хэмжээ жаахан хоцорлоо. Хэрэв хоцролгүй урьдчилан сэргийлж байсан бол оросууд манай нутаг руу орж ирэхгүй, дайн болохгүй байх байлаа. Тэгэх ч боломж байсан” гэв.

              Ерөнхийлөгч Владимир Зеленскийгийн мэдээлснээс өнөөдрийн байдлаар Украинд 230 сургууль, 155 цэцэрлэг бөмбөгдөлтөд өртөж, 128 хүүхэд амиа алджээ. Мөн Оросын цэргүүдийн дайралтын талаар Зеленский “Бүхэл хот, тосгоныг үнс болгож, сэтгүүлчдийг ч хөнөөж байна. Сэтгүүлчдийн тусгай хантаазан дээр “Хэвлэл” гэж бичсэн байдаг. Гэхдээ оросууд уншиж сурах бус, зөвхөн хөнөөж сурсан бололтой” гэсэн байна.